मुंबई | प्रतिनिधी
( WorldCup )आगामी टी-२० विश्वचषक २०२६ साठी भारतीय क्रिकेट संघाची अधिकृत घोषणा करण्यात आली आहे. मुंबईतील बीसीसीआय मुख्यालयात आयोजित पत्रकार परिषदेत **Board of Control for Cricket in India (बीसीसीआय)**चे सचिव देवजीत सैकिया, मुख्य निवडकर्ता Ajit Agarkar आणि नवनियुक्त कर्णधार Suryakumar Yadav यांच्या उपस्थितीत संघ जाहीर करण्यात आला.
( WorldCup )या स्पर्धेसाठी सूर्यकुमार यादवकडे कर्णधारपदाची धुरा सोपवण्यात आली असून Axar Patel याची उपकर्णधारपदी निवड करण्यात आली आहे. संघनिवडीत सर्वात लक्षवेधी निर्णय म्हणजे स्टार फलंदाज Shubman Gill याला संघाबाहेर ठेवण्यात आले आहे. मात्र दमदार कामगिरीच्या जोरावर Ishan Kishan आणि Rinku Singh यांचे संघात पुनरागमन झाले आहे.
( WorldCup )संघनिवडीबाबत माहिती देताना मुख्य निवडकर्ता अजित आगरकर यांनी स्पष्ट केले की, सध्याचा फॉर्म आणि संघसंतुलन लक्षात घेऊन हा निर्णय घेण्यात आला आहे. शुभमन गिलसाठी भविष्यातील मालिकांमध्ये दारे खुली असल्याचेही त्यांनी सांगितले. यष्टीरक्षक म्हणून ईशान किशन आणि Sanju Samson यांना संधी देण्यात आली असून, मधल्या फळीत रिंकू सिंह फिनिशरची भूमिका यशस्वीरीत्या पार पाडेल, असा विश्वास व्यक्त करण्यात आला.
विश्वचषकाच्या तयारीचा भाग म्हणून भारतीय संघ ११ जानेवारीपासून न्यूझीलंडविरुद्ध तीन एकदिवसीय आणि पाच टी-२० सामन्यांची मालिका खेळणार आहे. ही मालिका विश्वचषकापूर्वी संघासाठी महत्त्वाची कसोटी ठरणार आहे.
टी-२० विश्वचषकाची सुरुवात ७ फेब्रुवारी २०२६ रोजी कोलंबो येथे पाकिस्तान आणि नेदरलँड्स यांच्यातील सामन्याने होणार आहे. भारत आपला पहिला सामना वानखेडे स्टेडियमवर यूएईविरुद्ध खेळणार असून अंतिम सामना ८ मार्च २०२६ रोजी होणार आहे. भारताचा समावेश गट ‘अ’ मध्ये असून या गटात पाकिस्तान, अमेरिका, नामिबिया आणि नेदरलँड्स हे संघ आहेत.
चौकट | भारतीय संघ (टी-२० विश्वचषक व न्यूझीलंड मालिका)
सूर्यकुमार यादव (कर्णधार), अक्षर पटेल (उपकर्णधार), अभिषेक शर्मा, तिलक वर्मा, संजू सॅमसन, ईशान किशन, हार्दिक पांड्या, रिंकू सिंह, शिवम दुबे, वॉशिंग्टन सुंदर, कुलदीप यादव, वरुण चक्रवर्ती, हर्षित राणा, जसप्रीत बुमराह, अर्शदीप सिंग.
