अहिल्यानगर | प्रतिनिधी
मराठी भाषा दिनानिमित्त, कविवर्य कुसुमाग्रज यांच्या जयंतीचे औचित्य साधत ‘श्रोता’ हे मराठी ऑडिओबुक अॅप २७ फेब्रुवारीपासून सर्वांसाठी मोफत उपलब्ध करण्यात आले आहे. कृषीरंग प्रकाशनच्या माधुरी सचिन चोभे यांनी याबाबत माहिती दिली. आधुनिक आर्टिफिशियल इंटेलिजन्स तंत्रज्ञान आणि साहित्याचा संगम घडवणारे हे अॅप मराठी वाचक-श्रोत्यांसाठी नवे डिजिटल व्यासपीठ ठरणार आहे.
अँड्रॉइड प्लॅटफॉर्मवरील Google Play Store वर ‘श्रोता’ अॅप प्रकाशित झाले असून, केवळ फेसबुकवरील जाहिरातींच्या माध्यमातून तीन दिवसांत दोनशेपेक्षा अधिक वाचकांनी ते डाउनलोड केले आहे. श्रवणम सॉफ्ट सोल्युशन एलएलपीचे संचालक व लेखक सचिन मोहन चोभे यांनी ही माहिती दिली.
विविध विषयांचा समृद्ध खजिना
‘श्रोता’ अॅपमध्ये कादंबऱ्या, गुन्हे व रहस्यकथा, भयकथा, संत साहित्य, अभंग व आध्यात्मिक ग्रंथ, बालसाहित्य, परीकथा, शैक्षणिक व वैज्ञानिक माहितीपर पुस्तके, प्रेरणादायी भाषणे तसेच माहितीपटांचा समावेश आहे. लहान मुले, विद्यार्थी, युवक, महिला, ज्येष्ठ नागरिक आणि साहित्यप्रेमी अशा सर्व वयोगटांसाठी हे अॅप उपयुक्त ठरणार आहे.
कुठेही, कधीही ऐका पुस्तके
स्मार्टफोनवर सहज डाउनलोड करता येणारे ‘श्रोता’ अॅप ऑफलाइन मोडमध्येही पुस्तके ऐकण्याची सुविधा देते. स्पष्ट आवाज, व्यावसायिक निवेदक, सोपा वापरकर्ता इंटरफेस आणि आकर्षक डिझाइन ही त्याची प्रमुख वैशिष्ट्ये आहेत. प्रवासात, व्यायाम करताना किंवा मोकळ्या वेळेत साहित्य ऐकण्याचा आनंद आता सहज शक्य झाला आहे.
वाचनाची आवड कमी झालेली नसली तरी वेळेअभावी पर्यायांची गरज वाढत आहे. ऐकण्याची संस्कृती झपाट्याने वाढत असून ‘श्रोता’च्या माध्यमातून प्रत्येक घरात मराठी साहित्याचा आवाज पोहोचवण्याचा संस्थापकांचा मानस आहे.
नवोदित लेखकांसाठी संधी
‘श्रोता’ हे केवळ श्रोत्यांसाठीच नव्हे, तर नवोदित लेखक व प्रकाशकांसाठीही सक्षम व्यासपीठ ठरणार आहे. ऑडिओ व प्रिंट संयुक्त प्रकाशन, रॉयल्टी, शेअर मॉडेल आणि व्यापक डिजिटल पोहोच यामुळे साहित्य क्षेत्रात नवे दालन खुले झाले आहे.
डिजिटल युगातील मराठी साहित्याची नवी दिशा
धावपळीच्या जीवनशैलीत पुस्तक हातात घेऊन वाचन करणे सर्वांना शक्य नसते; मात्र ऑडिओबुकच्या माध्यमातून साहित्य कानातून मनात उतरते. ‘श्रोता’ अॅप मराठी भाषेचा गोडवा, कथांचा थरार आणि ज्ञानाचा खजिना डिजिटल स्वरूपात सर्वांपर्यंत पोहोचवणारे महत्त्वपूर्ण पाऊल मानले जात आहे. मराठी साहित्याच्या नव्या डिजिटल पर्वाची ही सुरुवात ठरावी, अशी अपेक्षा व्यक्त होत आहे.
डाउनलोड करण्यासाठी:
https://play.google.com/store/apps/details?id=com.shrota.अँप
